ଓଡ଼ିଆ

ଗୁରୁତ୍ୱପୂର୍ଣ୍ଣ ସୂଚନା ଓ ନିମନ୍ତ୍ରଣ:

ଖ୍ରୀଷ୍ଟରେ ପ୍ରିୟମାନେ (ପାଳକ/ପ୍ରଚାରକ/ପ୍ରାଚୀନ/ବିଶ୍ୱାସୀଗଣ),
        
        ପ୍ରଭୁ ଯୀଶୁ ଖ୍ରୀଷ୍ଟଙ୍କ ନାମରେ ଆପଣଙ୍କୁ ନମସ୍କାର। ଆମ୍ଭେମାନେ ଅତି ଆନନ୍ଦର ସହିତ ଜଣାଉଅଛୁ ଯେ, ଆମ୍ଭମାନଙ୍କର ପ୍ରଭୁ ଯୀଶୁ ଖ୍ରୀଷ୍ଟଙ୍କ ଅନୁଗ୍ରହରୁ ଲୁକ ସୁସମାଚାର ପୁସ୍ତକର ସରଳ ଓ ଅର୍ଥ-ଆଧାରିତ ନବ ଅନୁବାଦ ସମାପ୍ତ ହୋଇଅଛି। ଏଣୁ, ଏହାର ପରୀକ୍ଷାମୂଳକ ପ୍ରକାଶନର ଉନ୍ମୋଚନ ପାଇଁ ସ୍ଥିର କରାଯାଇଅଛି। 

        ଏଣୁ, ଆପଣଙ୍କୁ ବିନମ୍ର ଅନୁରୋଧ, ଉକ୍ତ “ନବ ଓଡ଼ିଆ ଲୁକ ସୁସମାଚାର” ପୁସ୍ତକର ଉନ୍ମୋଚନ କାର୍ଯ୍ୟକ୍ରମର ସଫଳ ନିମନ୍ତେ ମଣ୍ଡଳୀରେ ପ୍ରାର୍ଥନା କରିବା ସହିତ ଆପଣ ଉକ୍ତ ଉନ୍ମୋଚନ କାର୍ଯ୍ୟକ୍ରମରେ ଯୋଗଦାନ କରନ୍ତୁ। ଧନ୍ୟବାଦ!
         
ତାରିଖ: ୨୩ ଅପ୍ରେଲ୍ ୨୦୨୨
ସମୟ: ସକାଳ ୯.୩୦ ଘଟିକା 
ସ୍ଥାନ : ଏ. ଜି. ମଣ୍ଡଳୀ, ଏକାମ୍ର ଭିଲ୍ଲା, ଭୁବନେଶ୍ୱର 

ପ୍ରଭୁଙ୍କ ସେବାରେ,
ନବ ବାଇବଲ ଅନୁବାଦକ ଦଳ
--------------
+91 8763003733, +91 8763049548
nobobible@gmail.com | www.nobobible.org

 

 

 

-----------------------------------

ସ୍ୱାଗତ!

ନବ ବାଇବଲ୍ ୱେବସାଇଟ୍‌ରେ ଆପଣମାନଙ୍କୁ ସ୍ୱାଗତ କରୁଅଛୁ। 

ଏହି ୱେବସାଇଟ୍‌ରେ, ନୂତନ ଭାବରେ ଅନୁବାଦ କରାଯାଉଥିବା 'ନବ ବାଇବଲ' ସମ୍ବନ୍ଧୀୟ ତଥ୍ୟ ମିଳିପାରିବ। ଏଠାରେ, ଯେଉଁ ପୁସ୍ତକଗୁଡ଼ିକର ଅନୁବାଦ ସମାପ୍ତ ହୋଇଅଛି, ସେଗୁଡ଼ିକ ଆପଣ ପାଠ କରିପାରିବେ ଓ ଅନୁବାଦ ସମ୍ବନ୍ଧରେ ଆପଣଙ୍କ ମତାମତ ଦେଇପାରିବେ। 

ତାହା ସହିତ, ଏଠାରେ ଆପଣ ଓଡ଼ିଆ ଭାଷାରେ ଅନ୍ୟାନ୍ୟ ଖ୍ରୀଷ୍ଟିୟ ସାହିତ୍ୟ ଦେଖିପାରିବେ, ଶୁଣିପାରିବେ ଓ ପଢ଼ିପାରିବେ। ଆଶାକରୁ, ଏସବୁ ଆପଣଙ୍କପାଇଁ ଏକ ଆଶୀର୍ବାଦର କାରଣ ହେବ ।

 

ନବୋ ଅନୁବାଦକ ନିଯୁକ୍ତି ବିଜ୍ଞାପନ:

ପ୍ରିୟ ସହ-ପ୍ରାର୍ଥନାକାରୀ, ମଙ୍ଗଳକାଂକ୍ଷି ଓ ସାହାଯ୍ୟକାରୀମାନେ, ନମସ୍କାର!

ଆମ୍ଭେ, ଅର୍ଥାତ୍‌ ନବୋ ( ନ୍ୟୁ ଆଉଟରିଚ୍‌ ବାଇବଲ) ଅନୁବାଦ ଦଳ, ଈଶ୍ୱରଙ୍କଠାରେ ଅତ୍ୟନ୍ତ କୃତଜ୍ଞ ଯେ, ତାହାଙ୍କ ବାକ୍ୟର ଓଡ଼ିଆ ଭାଷାରେ ଅନୁବାଦ ତାହାଙ୍କ ଅନୁଗ୍ରହରୁ ଅଗ୍ରଗତି ହେଉଅଛି। ଓଡ଼ିଶାର, ଅଳ୍ପ ପାଠ ପଢ଼ିଥିବା, ଅଣ-ଖ୍ରୀଷ୍ଟିୟାନ ଓ ସୁସମାଚାର ପହଞ୍ଚି ନ ଥିବା ଲୋକମାନଙ୍କ ନିକଟରେ ସମ୍ପୂର୍ଣ୍ଣ ବାଇବଲ ପଞ୍ଚାଇବାର ଅତି ଜରୁରୀ ଥିବାର ଆବଶ୍ୟକତାକୁ ଉପଲବ୍ଧ କରି, ଆମ୍ଭମାନଙ୍କ ଅନୁବାଦ ଦଳ ପାଇଁ ଆଉ କିଛି କାର୍ଯ୍ୟକାରୀଙ୍କୁ ନିଯୁକ୍ତି କରି ଅନୁବାଦ ଦଳକୁ ବଢ଼ାଇବାକୁ ଆମ୍ଭେମାନେ ଇଛାକରୁଅଛୁ। ତେଣୁ, ଏହି ସ୍ଥାନରେ ଆମ୍ଭେମାନେ ଏହି ବିଜ୍ଞାପନ ଦ୍ୱାରା ଜଣାଉଅଛୁ ଯେ, ନିମ୍ନରେ ଦିଆଯାଇଥିବା ପ୍ରକାରେ ଉପଯୁକ୍ତ ଏବଂ ଇଛୁକ ବ୍ୟକ୍ତି ଖାଲିଥିବା ପଦବୀ ନିମନ୍ତେ ଆବେଦନ କରନ୍ତୁ।

ଅଧିକ ଜାଣିବା ପାଇଁ ଏହି ଲିଙ୍କ୍‌ରେ କ୍ଲିକ୍ କରନ୍ତୁ କିମ୍ବା ଡାହାଣ ପାର୍ସ୍ୱରେ ଥିବା ପିଡିଏଫ୍ ଡକ୍ୟୁମେଣ୍ଟ୍ ଉପରେ କ୍ଲିକ୍ କରନ୍ତୁ